Շինարարության ոլորտում մասնակիցները միշտ կապված են պայմանագրային հարաբերություններով, որոնք կարգավորվում են համապատասխան օրենքներով և քաղաքացիական օրենսգրքով: Այս հոդվածում մենք կանդրադառնանք, թե ովքեր են շինարարության ոլորտի մասնակիցները՝ ներդրողը, կառուցապատողը, գլխավոր կապալառուն, և թե որն է նրանցից յուրաքանչյուրի պատասխանատվության բաժինը:
ՆԵՐԴՐՈՂ ( INVESTOR )
Ներդրողը իրավաբանական կամ ֆիզիկական անձ է, ով ներդրում է իր սեփական, ներգրավված կամ փոխառու միջոցները հիմնական միջոցների կառուցման կամ վերակառուցման մեջ: Ներդրողը կարող է հանդես գալ որպես հաճախորդ, փոխատու, շինարարական ապրանքների գնորդ, ինչպես նաև կատարել հաճախորդի կամ կառուցապատողի գործառույթներ։ Ներդրողը ինքնուրույն որոշում է ներդրումների ծավալները, ուղղությունները և չափերը, որոշում է շինարարության կազմակերպչական ձևերը և պայմանագրային հիմունքներով ներգրավում է իրեն անհրաժեշտ ֆիզիկական կամ իրավաբանական անձանց ներդրումային նախագիծը իրականացնելու համար, ինչպես նաև ֆինանսական և վարկային հարաբերությունների մեջ է մտնում այլ մասնակիցների հետ:
Որպես ներդրումներ, ներդրողը կարող է օգտագործել. շարժական և անշարժ գույք՝ շենքեր, շինություններ, մեքենաներ, սարքավորումներ և այլ նյութական ակտիվներ, ինչպես նաև հայտնագործությունների և գյուտերի համար հեղինակային իրավունքով ապահովված մտավոր արժեքներ, հողամասեր և այլ բնական ռեսուրսներ, որոնք պատկանում են ներդրողին և ունեն որոշակի արժեք:
Ներդրողը շինարարական գործունեություն կարող է ծավալել.
- պատվիրելով շինությունը, որը կկառուցվի կառուցապատողի սեփականություն հանդիսացող հողատարածքում, որից հետ ներդրողը կգնի պատրաստի շինությունը,
- ներդրողը կարող է շինարարություն իրականացնել սեփականության իրավունքով իրեն պատկանող հողատարածքում: Ընդ որում ներդրողը դա կարող է անել ինքնուրույն կամ շինարարական աշխատանքները պատվիրել որևէ շինարարական ընկերության:
Ո՞Վ Է ԿԱՌՈՒՑԱՊԱՏՈՂԸ
Անշարժ գույքի և շինարարական ոլորտում բավականին հաճախ է հանդիպում «կառուցապատող» տերմինը, որը լայնորեն կիրառվում է բավականին երկար ժամանակ։ Չնայած ավելի ժամանակակից և համապատասխան տերմինների առատությանը ( օրինակ՝ «developer», «դեվելոփեր» ), «կառուցապատող» հասկացությունը դեռևս մնում է շատ տարածված շինարարության ոլորտում և օգտագործվում է բավականին շատ։
Սովորաբար կառուցապատող է համարվում նա, ով իրականացնում է շինարարություն ( շինարարական գործունեություն ) և վերակառուցում կոնկրետ հողամասի վրա։ Կառուցապատողը կարող է լինել ինչպես ֆիզիկական, այնպես էլ իրավաբանական անձ:
Որպես կառուցապատող կարող են հանդես գալ քաղաքաշինական գործունեության այն սուբյեկտները ( իրավաբանական կազմակերպությունները և անհատ ձեռներեցները ), որոնք սեփականության իրավունքով իրենց պատկանող հողամասում կամ ամրակայված գույքի նկատմամբ իրականացնում են քաղաքաշինական գործունեություն՝ ունենալով բոլոր անհրաժեշտ թույլտվությունները ( այդ թվում նաև՝ շինարարական թույլտվությունը ) և արտոնագրերը:
Կառուցապատողը կարող է ինքնուրույն կառուցել տունը կամ վարձել շինարարական շուկայում մեկ այլ մասնակցի՝ գլխավոր կապալառուի: Այս դեպքում կառուցապատողը նույնպես դառնում է հաճախորդ, այսինքն՝ գործընթացի կառավարիչ։ Կարևոր է, որ շինարարության մասնակիցների շղթայում միայն կառուցապատողն իրավունք ունի պայմանագրեր կնքել ապագա շենքի ( շինության, բազմաբնակարան նորակառույց շենքի ) բաժնետերերի, այսինքն ներդրողի հետ և նրանցից գումար վերցնել։
ԿԱՌՈԻՑԱՊԱՏՈՂ, ԹԵ՞ ԴԵՎԵԼՈՓԵՐ ( DEVELOPER )
Եվրոպական և ամերիկյան պրակտիկայում, ի տարբերություն մերի, «կառուցապատող» տերմինն այնքան էլ լայնորեն չի կիրառվում։ Փոխարենը օգտագործվում է «դեվելոփեր» հասկացությունը:
Դեվելոփերը ընկերություն է, ով զբաղվում է անշարժ գույքի ստեղծմամբ, գոյություն ունեցող շենքերի վերակառուցմամբ, ձևափոխմամբ և նմանատիպ այլ խնդիրներով: Դեվելոփերը, որպես կանոն, վերահսկում է շենքի կառուցման գործընթացը բոլոր փուլերում՝ սկսած ճարտարապետական նախագծի ստեղծումից մինչև պատրաստի օբյեկտը վաճառելու միջնորդի որոնում:
Դեվելոփերը մեծ կազմակերպություն է, որն ունի ավելի լայն նպատակներ և պարտականություններ և այն կարող է միավորել մի քանի կառուցապատողների միաժամանակ:
Կառուցապատողի դերը իր էությամբ բավականին նման է դեվելոփերի դերին ( շատ դեպքերում իսկապես նույնն է ), սակայն ըստ սահմանման, կառուցապատողի գործառույթները չեն ներառում տարբեր առաջադրանքների այդքան լայն շրջանակ, որքան դեվելոփերինը և հաճախ սահմանափակվում են միայն անշաժ գույքի կառուցման շինարարական աշխատանքներով:
ԳՈՎԱԶԴ ԷՋՈՒՄ
TOP 10
ՇԻՆԱՐԱՐԱԿԱՆ ԸՆԿԵՐՈՒԹՅՈՒՆՆԵՐ ( ԿԱՌՈՒՑԱՊԱՏՈՂՆԵՐ )
Փոխեք գովազդը ձեր գովազդով կամ հղումը ուղղորդեք դեպի ձեր կայք և վաճառեք ձեր ապրանքները BizRatings ( BR ) կայքից: Իմանալ մանրամասները …
ԳԼԽԱՎՈՐ ԿԱՊԱԼԱՌՈՒ
Գլխավոր կապալառուն շինարարական ընկերություն է, որն իրականացնում է շինարարություն պայմանագրով և պատասխանատու է պատվիրատուի առաջ օբյեկտի կառուցման համար՝ պայմանագրի պայմաններին, նախագծային նախահաշիվներին և շինարարական ծածկագրերին լիովին համապատասխան: Նա ներգրավում է ենթակապալառուներին որոշակի տեսակի շինմոնտաժային աշխատանքներ կատարելու համար և պատասխանատու է կատարված բոլոր աշխատանքների մակարդակի և որակի համար՝ տեխնոլոգիական սարքավորումների տեղադրում, սանտեխնիկա, էլեկտրամոնտաժում, գործարկման աշխատանքներ և այլն։
ԳԼԽԱՎՈՐ ՆԱԽԱԳԾԱՅԻՆ ԸՆԿԵՐՈՒԹՅՈՒՆ ( ՆԱԽԱԳԾՈՂ )
Գլխավոր նախագծային ընկերությունը լիովին պատասխանատվություն է կրում նախագծի որակի, շինարարական նախագծի տեխնիկական և տնտեսական ցուցանիշների և կապալառուի կողմից նախագծային որոշումների ճիշտ կատարման համար:
Գլխավոր նախագծային ընկերությունը կարող է ներգրավել մասնագիտացված նախագծային կամ հետազոտական կազմակերպությունների՝ նախագծի հատուկ բաժիններ մշակելու կամ գիտական հետազոտություններ իրականացնելու համար:
Շատերին հետաքրքրում է նաև «ԱՌԱՆՁՆԱՏԱՆ ՆԱԽԱԳԻԾ — Ի՞ՆՉ ՀԱՇՎԻ ԱՌՆԵԼ» հոդվածը
Առանձնատան նախագիծը հաշվի է առնում ապագա կառույցի բոլոր առանձնահատկությունները: Սա ոչ միայն ֆասադների և ինտերիերի գունավոր տեսողական պատկերացում է, այլև բարդ տեխնիկական հաշվարկներ, որոնցից մի քանիսը …
ԵԶՐԱԿԱՑՈՒԹՅՈՒՆ
Այսպիսով, ներդրողի հիմնական նպատակային խնդիրն է օբյեկտի կառուցումը և շահագործման հանձնումը՝ նվազագույնի հասցնելով կապիտալ ներդրումները և հնարավորինս շուտ հանձնել օբյեկտի շահագործումը՝ ավելի վաղ ժամկետում եկամուտ ստանալու համար:
Կառուցապատողը այն կազմակերպությունն է, որը իր սեփական հողի վրա կատարում է շինարարական գործունեություն և այդ նպատակով աշխատանքներին կարող է ներգրավել մի շարք այլ շինարարական ընկերությունների:
Ի Դեպ … Հնարավոր են դեպքեր, երբ ներդրողը, կառուցապատողը, գլխավար կապալառուն և անգամ գլխավոր նախագծային ընկերությունը կարող է լինել նույն ընկերությունը: ՀՀ-ում դա ամենատարածված դեպքն է:
Սույն հոդվածը ընթերցելուց հետո դուք ավելի շատ եք տեղեկացված ներդրող, կառուցապատող, գլխավոր կապալառու հասկացություններին և հուսով ենք, որ ներկայացված տեղեկատվությունը ձեզ օգտակար կլինի: Խնդրում ենք նաև հիշել և ձեր կարիքներին համապատասխան տունը կամ շինությունը կառուցելուց հետո ( BR ) BizRatings.online կայքում հայտնել ձեր կարծիքը կառուցապատող ընկերության մասին, որի համար ( BR ) BizRatings.online -ը նախապես հայտնում է
ՇՆՈՐՀԱԿԱԼՈՒԹՅՈՒՆ
Համոզված եղեք, որ ձեր կարծիքը շատ կարևոր և էական է: Դուք.
- նախ՝ կօգնեք ձեր ընկերներին ու համաքաղաքացիներին նույնպես կատարել ճիշտ ընտրություն և
- միաժամանակ կօգնեք անշարժ գույքի կառուցապատող ընկերությանը վերացնել առկա թերությունները, եթե այդպիսիք կլինեն:
ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝
Կահույքի Սրահների Վարկանիշը
Ինտերիերի Դիզայներների Վարկանիշը
Էջի Ասույթը
Մայր արվեստը ճարտարապետությունն է։ Մնացած ամեն ինչ, որ մենք անում ենք, ինչ-որ կերպ կապված է դրա հետ
— Մայքլ Գրեյվս
ԱՄԵՆԱՇԱՏ ԸՆԹԵՐՑՎԱԾ ՀՈԴՎԱԾՆԵՐ
-
TOP 5 ԱՐԵՎԱՅԻՆ ՎԱՀԱՆԱԿՆԵՐ ( ՊԱՆԵԼՆԵՐ ) ԱՐՏԱԴՐՈՂՆԵՐ / ԸՆՏՐԻՐ ԼԱՎԱԳՈՒՅՆ ԱՐԵՎԱՅԻՆ ՊԱՆԵԼՆԵՐԸ ( ՎԱՀԱՆԱԿՆԵՐԸ )
-
ՇԵՐՏԱՎԱՐԱԳՈՒՅՐՆԵՐ ( ԺԱԼՅՈՒԶ ) ՀՅՈՒՐԱՍԵՆՅԱԿԻ ՀԱՄԱՐ / ԻՆՉՊԵ՞Ս ԸՆՏՐԵԼ ՇԵՐՏԱՎԱՐԱԳՈՒՅՐՆԵՐԻ ԳՈՒՅՆԸ
-
ԼՈԳԱԽՑԻԿ ԹԵ՞ ՎԱՆՆԱ ( ԼՈԳՆՈՑ ) / ԼՈԳԱԽՑԻԿԻ ( ԱՊԱԿԵ ԼՈԳԱԽՑԻԿԻ ) ԵՎ ՎԱՆՆԱՅԻ ՀԱՄԵՄԱՏՈՒՄ
-
ՊԱՍՏԱՌ ԹԵ՞ ՆԵՐԿ / Ո՞ՐՆ Է ԼԱՎ / ՊԱՍՏԱՌԻ ԵՎ ՆԵՐԿԻ ՀԱՄԵՄԱՏՈՒԹՅՈՒՆ
-
ԱՐԵՎԱՅԻՆ ՊԱՆԵԼՆԵՐ ԹԵ՞ ԱՐԵՎԱՅԻՆ ԿՂՄԻՆԴՐ ( ЧЕРЕПИЦА ) / 21-ՐԴ ԴԱՐԻ ԱՐԵՎԱՅԻՆ ՀԱՄԱԿԱՐԳԵՐ
-
ՑԻՆԿԱՊԱՏ ԹԻԹԵՂ ԹԵ՞ ԳՈՒՆԱՎՈՐ ( ԼԱՔԱՆԵՐԿՎԱԾ ) ԹԻԹԵՂ / ՏԱՆԻՔԻ Ի՞ՆՉ ԹԻԹԵՂՆԵՐ ԸՆՏՐԵԼ
ԴԱՐՁԻՐ ՀԵՂԻՆԱԿ, ԴԱՐՁԻՐ ՀԱՆՐԱՀԱՅՏ
Երբևէ մտածե՞լ եք դառնալ հոդվածագիր: Եթե նույնիսկ մինչ այս պահը երբեք չեք հրապարակել ձեր մտքերը, մտածեք այդ մասին: Հոդվածագիր հեղինակ դառնալը կարող է խթանել ձեր կարիերան կամ բիզնեսը շատ առումներով:
