Այո, Իտալիայի նման փոքր երկիրը ՅՈւՆԵՍԿՕ -ի համաշխարհային ժառանգության ավելի շատ վայրեր ունի, քան աշխարհի ցանկացած այլ եվրոպական երկիր: Նրա 55 վայրերից 50 -ը մշակութային են, իսկ հինգը` բնական:

Որպես Հռոմեական կայսրության և Վերածննդի դարաշրջանի ծննդավայր Իտալիայում են գտնվում.

• Պոմպեյը,
• Հերկուլանեմը և
• Տորե Անունցիատան,
• Ֆլորենցիայի, Նեապոլի, Հռոմի և Դոլոմիտների պատմական կենտրոնները:

Իտալիան բազմաթիվ գոհարների տուն է, որոնք պարզապես ապշեցնում են ցանկացած զբոսաշրջիկի: Իտալիայի հպարտանալու հիմնական գրավականը շքեղ քաղաքներն են, սկսած հիանալի մշակութային մետրոպոլիաներից, ինչպիսիք են.

• Հռոմը,
• Ֆլորենցիան,
• Վենետիկը և
• Միլանը,

որտեղ գերակշռում են հոյակապ տաճարները, մինչև հարյուրավոր հյուրասեր հարավային քաղաքներ և գյուղեր, ինչպիսիք են.

• Ամալֆին,
• Ռավելլոն,
• Սորենտոն և
• Պոզիտանոն,

որոնք առաջարկում են հմայիչ ոլորուն փողոցներ՝ միջերկրածովյան գունագեղ տներով և ափամերձ անզուգական տրամադրությամբ: Իտալական ինչ քաղաք և շրջան էլ ըտնրեք, դուք երբեք չեք սխալվի, քանի որ ձեր ծրագրած տուրերը դեպի Իտալիա միշտ անմոռանալի կլինեն:

Հռոմի նման աշխարհում իրոք չկա այլ քաղաք: Մինչ Հռոմը ցանկանում է լինել 21-րդ դարի ժամանակակից քաղաք, նա միաժամանակ փորձում է կանխել իր պատմական ավերակների և հուշարձանների փլուզումը:

Քաղաքն իսկապես մի մեծ հնագիտական ​​թանգարան է, որը շարունակում է բացահայտել իր 2800 տարվա պատմությունը: Իսկ իր անցյալի պահպանումը շարունակում է մնալ մոնումենտալ խնդիր գրեթե 3 միլիոնանոց այս քաղաքի համար: Շրջագայել Կոլիզեումով և Հռոմեական ֆորումով, որտեղ ժամանակին իշխում էին Ռոմուլոսը, Հուլիոս Կեսարը և Ներոնը, ձեզ համար կլինի հետաքրքիր և անմոռանալի:

Դժվար է մեկ հոդվածում նկարագրել մշակութային այն հարուստ ժառանգությունը, որը ունի Իտալիան:

Իտալիան վերածննդի ամբողջ ժամանակաշրջանում ( 1300-1600 թվ. ) արվեստի և գիտության ​​զարգացման հիմնական կենտրոնն էր:

Բարձր վերածննդի դարաշրջանում, Լեոնարդո դա Վինչիի, Միքելանջելոյի և Ռաֆայելի աշխատանքները հայտնի էին ամբողջ աշխահում և հենց դրանք ոգեշնչեցին վերածննդի դարաշրջանի հաջորդ փուլը, որը հայտնի է որպես մաներիզմ ( իտալերեն՝ manierismo, maniera- մաներա, ոճ, եղանակ ),:

Իտալիայի թերակղզում կան հարյուրավոր լողափեր, չնայած դրանք գուցե այն սովորական ավազոտ վայրերը չեն, որոնց դուք սովոր եք:

Իհարկե, զբոսաշրջիկները այցելում են իտալական լողափեր հանգստանալու և արևը վայելելու համար, բայց այն, ինչ առանձնացնում է ափերը այլ ուղղություններից, երկրի գրավիչ բնական լանդշաֆտն է:

Իտալիա մեկնելու բազմաթիվ պատճառներից մեկը գինու համտեսի ֆանտաստիկ տուրերն են: Երկիրը հայտնի է Chianti գինիով, 80% Sangiovese խաղողի կարմիր խառնուրդով, որը պատրաստված է Տոսկանայում:

Երբ շրջում եք որևէ իտալական շրջանի բլուրների գագաթներով և միջնադարյան եկեղեցիներով, մի մոռացեք գինեգործարան այցելել` գինիներ համտեսելու համար:

Այստեղ շատ քիչ ներածություն է անհրաժեշտ: Եթե դուք պետք է մտածեք Իտալիա մեկնելու պատճառներից միայն մեկի մասին, ապա այն է, որ իտալական խոհանոցն աշխարհում.

• ամենահայտնին,
• գնահատվածն ու նաև՝
• պատճենվածն է:

Իտալիա կատարած ձեր ճանապարհորդության ընթացքում, ամենայն հավանականությամբ, նոր ընկերներ ձեռք կբերեք:

Ցերեկները՝ լողափ կամ սպորտային ակումբ գնալը, հանգստավայրերում և զբոսայգիներում զբոսնելը, երեկոյան ժամերին՝ ակումբներ կամ պանդոկներ այցելելը կամ տեղական որոշ փառատոնների և շրջագայությունների մասնակցելը՝ ամենուր հնարավորություններն են բնակիչների կամ ներքին զբոսաշրջիկների հետ հանդիպելու և զրուցելու համար:

Դեպի Իտալիա Տուրերի Վարկանիշը