Ինչպե՞ս Պատասխանել Բացասական Կարծիքներին

Բացասական առցանց ակնարկներին պատասխանելիս ճանաչեք հաճախորդի ցավոտ կետերը և բաց եղեք հետագա քննարկումների համար:

• Պատասխանեք մեկ օրվա ընթացքում, այլ ոչ թե մի քանի օրվա,
• հաճախորդին դիմեք իր անունով,
• շնորհակալություն հայտնեք հաճախորդին իր մտահոգությունները հայտնելու համար,
• ներողություն խնդրեք հաճախորդի չափանիշներին չհամապատասխանելու համար,
• անմիջապես նշեք մտահոգությունը,
• եթե գոյություն ունի հիմնավոր բացատրություն, թե ինչու է հաճախորդը ստացել վատ ծառայություն, հիմնավորեք այն: Այնուամենայնիվ, մի հորինեք արդարացումներ, եթե դրանք չկան: Փոխարենը, ցույց տվեք, թե ինչպես եք լուծելու ապագա ապրանքների կամ ծառայությունների հետ կապված խնդիրը,
• հաճախորդին տվեք գումարի վերադարձ, զեղչ կամ այլ բոնուս, որն անհասանելի է այլ հաճախորդների համար:
• հրավիրեք հաճախորդին կապնվել ձեզ հետ՝ իրավիճակը հետագա քննարկելու համար:

Ինչպե՞ս Պատասխանել Դրական Կարծիքներին

Դրական առցանց ակնարկներին պատասխանելիս շնորհակալություն հայտնեք կարծիք հայտնողին և խրախուսեք լրացուցիչ գնումներ:

• Անմիջապես արձագանքեք,
• կարծիք հայտնողներին դիմեք իրենց անունով,
• շնորհակալություն հայտնեք կարծիք հայտնողին իր թանկարժեք ժամանակից մի քանի րոպե ձեզ հատկացնելու համար,
• խրախուսեք կարծիք գրող հաճախորդին ապագա գնումների համար զեղչով,
• կիսվեք ձեր հաճախորդների դրական կարծիքներով այլուր:

Բացասական Կարծիքներին Արձագանքելու Օրինակ

Որպեսզի լավագույնս հասկանանք, թե ինչպես արձագանքել բացասական առցանց կարծիքներին, եկեք օգտագործենք տեսական օրինակ: Եթե Կարեն անունով հաճախորդը բացասական կարծիք հայտնի՝ ասելով, որ ձեր ընկերության արտադրած պայուսակները անընդհատ պատռվում են, վերը նշված քայլերը հաշվի առնելով համապատասխան պատասխանը կլինի.

«Բարև Կարեն: Շնորհակալություն կարծիք հայտնելու համար: Այն, որ դուք նկատել եք, որ մեր պայուսակները բազմիցս պատռվում են. հայցում ենք ձեր ներողամտությունը: Մենք ցանկանում ենք ձեզ զեղչ տրամադրել՝ այլ պայուսակ գնելու համար և եթե այն նույնպես պատռվի, մենք ձեզ ամբողջությամբ կվերադարձնենք գումարը: Խնդրում ենք կապնվել մեզ հետ [ ձեր էլ. հասցեն ] և ազատ զգալ իրավիճակը հետագա քննարկելու համար: Մենք անհամբեր սպասում ենք ձեր նամակին և կրկին շնորհակալություն ձեր մտահոգությունները հայտնելու համար»:

Դրական Կարծիքներին Արձագանքելու Օրինակ

Օգտագործելով վերը նշված խորհուրդները՝ եկեք պատասխան տանք Հայկուհի անունով հաճախորդին, ով օրինակ՝ գովաբանում է ձեր ինտերիերի դիզայնի ընկերության ստեղծագործական աշխատանքը և պատշաճ կերպով մատուցված ծառայությունները: Այս դեպքում պատասխանը կարող է լինել այսպես.

«Բարև Հայկուհի ! Շնորհակալություն ձեր բարի խոսքերի համար այն մասին, թե որքան բարձրակարգ է մեր դիզայներական ծառայությունը:

Հիշեցրեք մեզ այս կարծիքի մասին, եթե նորից կօգտվեք մեր ծառայություններից մենք ձեզ կտրամադրենք 20% զեղչ:

Կրկին շնորհակալություն !»