Հաշվի առնելով անշարժ գույքի գների անընդհատ աճը՝ շատերը փորձում են գումար խնայել, օրինակ՝ ավելի փոքր տարածքի բնակարան գնելով: Պահանջարկը ստեղծում է առաջարկ, և կառուցապատողները սկսեցին առաջարկել բնակարան ստուդիաներ: Այս հասկացության իրավական սահմանում չկա, սակայն սույն հոդվածում մենք կներկայացնենք բնակարան ստուդիա հասկացությունը և կքննարկենք առավելությունները և թերությունները:
Ի՞ՆՉ Է ԲՆԱԿԱՐԱՆ ՍՏՈՒԴԻԱՆ ( HOME STUDIO )
Բնակարան ստուդիան open space ( բաց տարածություն ) ոճով, այսինքն՝ բաց տարածքով բնակելի սեփականություն է։ Ակստեղ ներքին պատեր կամ առանձին սենյակներ չկան և բնակիչը գտնվում է մեկ տարածության մեջ: Միակ բացառությունը սանհանգույցն է:
Սա բնակարան է, որը կարելի է գոտիավորել ձեր սեփական նախասիրությունների համաձայն: Այն ունի միացված կոմունիկացիաներով խոհանոցային տարածք և սովորաբար գտնվում է ելքի դռանը ավելի մոտ: Երրորդ գոտին՝ քնելու տարածքն է, սովորաբար գտնվում է սենյակի խորքում՝ պատուհանին ավելի մոտ: Միջանցք չկա՝ բացելով մուտքի դուռը՝ մարդ անմիջապես հայտնվում է հյուրասենյակում։
Պրակտիկայում պատահում են նաև մեծ մակերես ունեցող մասնակի բնակարան ստուդիաներ, այսինքն այնպիսի բնակարան ստուդիաներ, որտեղ կարող է լինել մեկ կամ երկու առանձին ննջասենյակներ:
Հետաքրքիր փաստ
Բնակարան ստուդիաներ ստեղծելու նախադրյալները հայտնվեցին ավելի քան 100 տարի առաջ Ճապոնիայում, իսկ նման ճարտարապետական և հատակագծային լուծում առաջին անգամ առաջարկվել է ԱՄՆ-ում դեռ 1920-ականներին գերմանացի մոդեռնիստ ճարտարապետ Լյուդվիգ Միես վան դեր Ռոեի կողմից։ Հետագայում՝ 1966-1967 թվականներին, այն կատարելագործվեց Ա. Վ. Պուրգանիմի կողմից: Բնակարան ստուդիաները հայտնի էին Ամերիկայում և Եվրոպայում, հատկապես ստեղծագործ երիտասարդների շրջանում: Դրանք նախատեսված էին խոշոր քաղաքներում աշխատող և փոքր գյուղերում կամ հեռավոր ծայրամասերում ապրող աշխատողների համար: Այսպիսի բնակարանները թույլ տվեցին մարդկանց ավելի քիչ ժամանակ և ջանք ծախսել աշխատանքի հասնելու համար:
ԲՆԱԿԱՐԱՆ ՍՏՈՒԴԻԱՆԵՐԸ ԿԱՐՈՂ ԵՆ …
Ստացվել վերանորոգման արդյունքում
Դրանք ստեղծվել են սեփականատերերի կողմից մեկ սենյականոց, երկու սենյականոց, երեք սենյականոց կամ այլ բնակարանների վերանորոգման ժամանակ՝ Ներքին պատերը հանվել են, ինչի արդյունքում ստեղծվել է մեկ բնակելի տարածք: Բնակարանը ստուդիայի վերածելը սովորաբար շատ ժամանակ է պահանջում: Հաճախ այն կապված է փաստաթղթերի փաթեթի հավաքագրման և ճարտարապետության վարչության և այլ պետական հաստատություններում բազմաթիվ հաստատումների հետ:
Նախատեսվել նախագծով
Դրանք սկսեցին նախագծվել և կառուցվել մոտ 5–10 տարի առաջ։ Ամենից հաճախ բնակարան ստուդիաները հայտնվում են էկոնոմ դասի տներում, բայց որոշ դեպքերում դրանք կարող են նույնիսկ հանդիպել մեծ առանձնատներում:
ԻՆՉՈ՞Վ Է ՏԱՐԲԵՐՎՈՒՄ ԲՆԱԿԱՐԱՆ ՍՏՈՒԴԻԱՆ ՍՈՎՈՐԱԿԱՆ ԲՆԱԿԱՐԱՆԻՑ
- Ունեն ավելի փոքր տարածք: Նույնիսկ ամենամեծ բնակարան ստուդիան սովորական բնակարանների համեմատ ավելի փոքր է: Ստուդիայի տարածքը սովորաբար սկսվում է 30 — 40 մ²-ից և հազվագյուտ դեպքերում այն կարող է հասնել 100 մ²-ի, սակայն նման լուծումները հնարավոր են միայն մոնոլիտ կարկասի տեխնոլոգիայով կառուցված տներում: Բայց մեծ ստուդիաների պահանջարկ գրեթե չկա, ուստի դրանք հազվադեպ են կառուցվում,
- չունեն ներքին պատեր ( միջնորմներ )։ Ստուդիան 1 սենյականոց բնակարանից տարբերվում է միջանցքի և առանձին խոհանոցի բացակայությամբ՝ վերևում բացատրեցինք, որ նման անշարժ գույքն առաջարկում է մեկ բնակելի տարածք ( կան նաև բացառություններ՝ մեծ մակերեսների դեպքում հնարավոր է լինի առանձին 1 կամ 2 ննջասենյակ ): Ի դեպ, ստուդիայում լոգարանը կարող է լինել ինչպես առանձին, այնպես էլ համակցված,
- ունեն մեկ դիզայն։ Եթե սովորական բնակարանում դուք կարող եք ստեղծել ձեր սեփական ոճը յուրաքանչյուր սենյակի համար, ապա ստուդիայում դա շատ դժվար է անել: Հնարավոր է ստեղծել մի քանի ֆունկցիոնալ գոտիներ՝ օրինակ՝ ննջասենյակ և ճաշասենյակ, բայց դրանցում արմատապես տարբեր լուծումներ օգտագործել չի կարելի։ Հակառակ դեպքում դա ծիծաղելի ու տգեղ տեսք կունենա,
- պլանավորման բացակայություն։ Բազմահարկ շենքերի նախագծման ժամանակ ճարտարապետները սովորաբար հաշվի են առնում ամենափոքր մանրամասները՝ հարմար և գրագետ հատակագիծ ստեղծելու համար։ Այն չի տրամադրվում ստուդիաներում. դիզայներները որոշում են միայն լոգարանների տեղը և սեփականատերը կարող է գոտիավորել տարածքը՝ ինչպես ուզում է,
- տեսողական էֆեկտ։ Պատերի բացակայության պատճառով այստեղ կարծես թե ավելի շատ բնակելի տարածք կա։ Եթե համեմատեք նույն տարածքի ստուդիան ու սովորական բնակարանը, ապա առաջինը ընդարձակ, լուսավոր սենյակի տեսք կունենա։ Սա կարևոր է նրանց համար, ովքեր գնահատում են հարմարավետությունը և չեն կարող երկար մնալ փակ տարածքում։
ՈՐՈ՞ՆՔ ԵՆ ԲՆԱԿԱՐԱՆ ՍՏՈՒԴԻԱՆԵՐԻ ԱՌԱՎԵԼՈՒԹՅՈՒՆՆԵՐԸ ԵՎ ԹԵՐՈՒԹՅՈՒՆՆԵՐԸ
ԱՌԱՎԵԼՈՒԹՅՈՒՆՆԵՐ
- Ցածր արժեք: Մասնագետների կարծիքով՝ ստուդիո բնակարանների արժեքը միջինում 15–20 %-ով ցածր է նույն տարածքում գտնվող մեկ սենյականոց բնակարանի համեմատ։ Հետևաբար, նման բնակարանը հարմար է նրանց համար, ովքեր գումար չունեն ավելի մեծ բնակարան ձեռք բերելու համար: Օրինակ, ստուդիաները հաճախ ընտրվում են երիտասարդ զույգերի կամ մասնագետների կողմից, ովքեր նոր են սկսել իրենց կարիերան,
- դասավորությունը: Ստուդիայում դուք կարող եք գոտիները դասավորել ըստ ցանկության։ Սենյակը գոտիավորելու համար կարող եք օգտագործել շարժական միջնորմներ: Տարածքի գոտիավորման այլ տարբերակներ են կահույքի դասավորությունը, տարբեր գոտիների համար տարբեր գույների շեշտադրումների օգտագործումը կամ հատակի բարձրությունների տարբերությունը,
- բնական լուսավորությունը։ Ստուդիաները սովորաբար ունեն մեծ պատուհաններ, որոնց միջով արևի լույսը հեշտությամբ մտնում է սենյակ: Հետևաբար, օրվա ընթացքում լրացուցիչ արհեստական լուսավորության կարիք չկա. կարող եք ձեր աշխատասեղանը տեղադրել պատուհանի մոտ և խնայել էլեկտրաէներգիան,
- լավ ակուստիկան: Սա կարևոր պլյուս է ստեղծագործ մարդկանց՝ երաժիշտների, և նրանց համար, ովքեր սովոր են երաժշտություն լսել կամ լավ ձայնի որակով ֆիլմեր դիտել: Ներքին պատերի բացակայության պատճառով ձայնը հավասարապես տարածվում է ամբողջ սենյակում։
ԹԵՐՈՒԹՅՈՒՆՆԵՐ
- Փոքր տարածքը: Մեկ սենյականոց բնակարանների համեմատ ստուդիաներն ավելի փոքր տարածք ունեն։ Սա մինուս է նրանց համար, ովքեր սովոր են օգտագործել մեծ քանակությամբ կահույք կամ կենցաղային տեխնիկա։ Խնդիրը կարելի է լուծել կոմպակտ կահույքի և տեխնիկայի կամ այսպես կոչված «տրանսֆորմատորների» միջոցով, օրինակ՝ զգեստապահարան-մահճակալ,
- միջանցքների բացակայությունը։ Հաշվի առնելով այն հանգամանքը, որ մուտքի մոտ միջանցք չկա, մուտքից փոշի կամ կեղտ կմտնի սենյակ։ Կոշիկից կամ հագուստից կեղտը տարածելու վտանգ կա նաև ողջ բնակելի տարածքում: Այս խնդիրը կարելի է լուծել դռան մոտի տարածքի և սանդուղքի պատշաճ խնամքով,
- մեկ ընդհանուր տարածքը: Շնորհիվ այն բանի, որ ստուդիայում ինտերիերի միջնորմներ չկան, խոհանոցից բույրերը կտարածվեն ողջ բնակելի տարածքում։ Սենյակում կտարածվեն նաև այլ հոտեր, օրինակ՝ ընտանի կենդանիների հետ կապված: Այս խնդիրը կարելի է լուծել սենյակի հզոր օդափոխությամբ,
- անձնական տարածքի բացակայությունը։ Սա մինուս է նրանց համար, ովքեր միայնակ չեն ապրում։ Ստուդիաներում սովորաբար չկան անկյուններ, որտեղ դուք կարող եք առանձնանալ՝ բոլոր նրանք, ովքեր ապրում են դրանցում, միշտ տեսանելի են այլ բնակիչների համար: Այդ իսկ պատճառով ստուդիաները հայտնի են միայնակ ապրողների շրջանում։
ՈՒ՞Մ ՀԱՄԱՐ Է ՆԱԽԱՏԵՍՎԱԾ ԲՆԱԿԱՐԱՆ ՍՏՈՒԴԻԱՆ
- Միայնակ երիտասարդներ: Բնակարան ստուդիայում կա բավարար տարածք մեկ անձի համար՝ ցանկության դեպքում կարող եք կազմակերպել ճաշասենյակ, ընդունելության տարածք, ննջասենյակ և հանգստի գոտի մեկ սենյակում,
- ստեղծագործ մարդկանց համար։ Ստուդիայի բաց դասավորությունը թույլ է տալիս մեկ սենյակում կազմակերպել ստեղծագործական տարածք: Ստուդիաներն ունեն նաև լավ ակուստիկա,
- մարդիկ, ովքեր տարածքի կարիք ունեն։ Սա լավ տարբերակ է 50–70 մ² բնակարան ունենալու համար,
- երիտասարդ զույգերին: Եթե երիտասարդ զույգը գումար չունի մեկ կամ երկու սենյականոց բնակարան գնելու համար, ապա նրանց կհամապատասխանի այս տարբերակը,
- ուսանողների համար: Եթե ԲՈՒՀ-ում սովորելիս ծնողները հնարավորություն ունենան իրենց երեխայի համար բնակարան ստուդիա գնել, ապա դա ավելի լավ լուծում կլինի հանրակացարանի կամ վարձակալած բնակարանի համեմատ:
Բայց ում համար ստուդիան հաստատ հարմար չէ, դա բազմազավակ ընտանիքներն են, ինչպես նաև փոքր երեխա ունեցող զույգերը:
- Բազմազավակ ընտնաիքների դեպքում պատճառը բավականին բանալ է՝ ամբողջ ընտանիքի հետ մեկ սենյակում ապրելն առնվազն այնքան էլ հարմար չէ, նույնիսկ եթե այդ սենյակը մեծ տարածք ունի,
- փոքր երեխայի հետ ստուդիան նույնպես այնքան էլ հարմար չէ, քանի որ երեխան հաճախ լաց է լինում և խանգարում է հանգստին կամ քնելուն։ Այս դեպքում շատ զույգեր հերթով գիշերում են փոքրիկի հետ՝ զույգերից մեկին հանգստանալու ժամանակ տալով։ Իսկ դրա համար անհրաժեշտ է առանձին սենյակ։
ԳՈՎԱԶԴ ԷՋՈՒՄ
TOP 10
ԿԱՀՈՒՅՔԻ ԽԱՆՈՒԹ-ՍՐԱՀՆԵՐ
Փոխեք գովազդը ձեր գովազդով կամ հղումը ուղղորդեք դեպի ձեր կայք և վաճառեք ձեր ապրանքները BizRatings ( BR ) կայքից: Իմանալ մանրամասները …
Ի՞ՆՉ ՀԱՇՎԻ ԱՌՆԵԼ ԲՆԱԿԱՐԱՆ ՍՏՈՒԴԻԱ ԸՆՏՐԵԼԻՍ
Հիշեք հիմնական կանոնը՝ երբեք մի նայեք կառուցապատողի կողմից հայտարարագրված անշարժ գույքի դասին: Օրենսդրական դաշտում չկա «պրեմիում», «հարմարավետություն», «բիզնես» դասերի սահմանում։ Դրանք հորինված են հենց կառուցապատողների կողմից՝ իրենց առաջարկի վրա ուշադրություն գրավելու համար։ Կարևոր են միայն փաստերը.
- գտնվելու վայրը: Ինչպես ցանկացած այլ բնակարան՝ ստուդիան պետք է տեղակայված լինի ձեզ անհրաժեշտ երթուղիների խաչմերուկում,
- դասավորությունը: Եկեք կրկնենք, ամենից հաճախ կառուցապատողը որոշում է միայն լոգարանի գտնվելու վայրը: Այնուամենայնիվ, կան դեպքեր, երբ խոհանոցի դասավորությունը նույնպես կանխորոշված է՝ հաշվի առեք դա կոնկրետ տարբերակ ընտրելիս,
- մակերեսը: Խնդրում ենք նկատի ունենալ, որ սովորական բնակարանի և ստուդիայի մակերեսները նույնը չեն: Երկրորդ դեպքում այս բոլոր «մետրերը» կլինեն մեկ սենյակում, այլ ոչ թե մի քանի սենյակներում։
Նրանց, ովքեր դժվարանում են որոշել բնակարան ստուդիայի մակերեսը, խորհուրդ ենք տալիս դիտել մի քանի տարբերակներ և անձամբ այցելել բնակարաններից յուրաքանչյուրը: Շատ ավելի հեշտ կլինի տեղում գնահատել բնակարան ստուդիայի հարմարավետությունը, քան նկարից։
Շատերին հետաքրքրում է նաև «ՊԱՍՏԱՌ — ԻՆՉՊԵ՞Ս ԸՆՏՐԵԼ» հոդվածը
Պաստառը տանը կպցնելը մի ամբողջ գիտություն է։ Այն հիանալի տարբերակ է ցանկացած սենյակի դիզայնը վերափոխելու համար, ինչը ձեր բնակարանին կհաղորդի նոր և բարձր տրամադրություն և հաճելի մթնոլորտ: Ամեն ինչ բարդացնում է միայն պաստառի ընտրության գործընթացը …
ԱՄՓՈՓՈՒՄ
Սույն հոդվածը ընթերցելուց հետո դուք ավելի շատ եք տեղեկացված բնակարան ստուդիաների վերաբերյալ և հուսով ենք, որ ներկայացված տեղեկատվությունը ձեզ օգտակար կլինի: Խնդրում ենք նաև հիշել և ձեր նոր բնակարան ստուդիա տեղափոխվելուց հետո ( BR ) BizRatings.online կայքում հայտնել ձեր կարծիքը կառուցապատողների, անշարժ գույքի գործակալությունների և ինտերիերի դիզայն իրականացնող ընկերությունների վերաբերյալ, որի համար ( BR ) BizRatings.online -ը նախապես հայտնում է
ՇՆՈՐՀԱԿԱԼՈՒԹՅՈՒՆ
Համոզված եղեք, որ ձեր կարծիքը շատ կարևոր և էական է: Դուք,
- նախ՝ կօգնեք ձեր ընկերներին ու համաքաղաքացիներին նույնպես կատարել ճիշտ ընտրություն և
- միաժամանակ կօգնեք ընկերություններին վերացնել իրենց ծառայություններում առկա թերությունները, եթե այդպիսիք կհայտնաբերվեն:
ԻՍԿ Ի՞ՆՉ ԿԱՍԵՔ ԻՆՏԵՐԻԵՐԻ ԵՎ ԷՔՍՏԵՐԻԵՐԻ ԴԻԶԱՅՆԻ ՎԵՐԱԲԵՐՅԱԼ
Էքստերիերի դիզայնը կառույցի արտաքին գեղագիտական տեսքի ապահովումն է: Իհարկե էքստերիերը կառույցի կարևորագույն տարրերից է և արժանի է հատուկ ուշադրության: Սեղմելով « + ԴԻՏԵԼ » կոճակը, դուք կարող եք տեսնել էքստերիերի դիզայն իրականացնող լավագույն ճարտարապետական և նախագծային ստուդիաները:
Ինտերիերի դիզայնը և՛ արվեստի, և՛ գիտության կիրառումն է, որը ներառում է տան կամ աշխատավայրի ինտերիերի բարելավումը, որպեսզի այն լինի գեղագիտորեն հաճելի: Այլ կերպ ասած, ցանկացած պաշտոնական կամ անձնական վայրի ներքին հարդարման արվեստը հայտնի է որպես ինտերիերի դիզայն: Սեղմեք « + ԴԻՏԵԼ » կոճակը ստորև և դուք կտեսնեք ինտերիերի դիզայն իրականացնող լավագույն ճարտարապետական և նախագծային ստուդիաների ցանկը:
ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝
Կահույքի Սրահների Վարկանիշը
Ինտերիերի Դիզայներների Վարկանիշը
Էջի Ասույթը
Հիանալի դիզայնը պատասխանում է հարցին, առաջարկում է տարբերակ և լուծում է խնդիրը
Dana Hughes` ավստրալիացի ինտերիերի դիզայներ
ԱՄԵՆԱՇԱՏ ԸՆԹԵՐՑՎԱԾ ՀՈԴՎԱԾՆԵՐ
-
ՏՆԵՐԻ ՆԱԽԱԳԾՈՒՄ ԵՎ ԿԱՌՈՒՑՈՒՄ ԼԱՆՋԻ ՎՐԱ / ԹԵՔ ՏԱՐԱԾՔՈՒՄ ՏՆԵՐԻ ( ԱՌԱՆՁՆԱՏՆԵՐԻ ) ՃԱՐՏԱՐԱՊԵՏԱԿԱՆ ԼՈՒԾՈՒՄՆԵՐ
-
ՎԱՐԱԳՈՒՅՐ ԹԵ՞ ՇԵՐՏԱՎԱՐԱԳՈՒՅՐ / ՎԱՐԱԳՈՒՅՐՆԵՐԻ ԵՎ ՇԵՐՏԱՎԱՐԱԳՈՒՅՐՆԵՐԻ ՀԱՄԵՄԱՏՈՒՄ
-
ԷԿՈ ՏՈՒՆ ( ԷԿՈ ՏՆԵՐԻ / ԱՌԱՆՁՆԱՏՆԵՐԻ ԿԱՌՈՒՑՈՒՄ ԵՎ ՆԱԽԱԳԾՈՒՄ ) / ԷԿՈ ՏՆԵՐԻ ՊԼՅՈՒՍԸ ԵՎ ՄԻՆՈՒՍԸ
-
ՄԵՏԱՂԱՊԼԱՍՏԵ ՊԱՏՈՒՀԱՆՆԵՐ ( ԲԱԶՄԱՖՈՒՆԿՑԻՈՆԱԼ ԱՊԱԿԻՆԵՐ ՄԵՏԱՂԱՊԼԱՍՏԵ ՊԱՏՈՒՀԱՆՆԵՐԻ ՀԱՄԱՐ )
-
ԱՐԵՎԱՅԻՆ ՀԱՄԱԿԱՐԳԵՐ ( ԱՐԵՎԱՅԻՆ ՊԱՆԵԼՆԵՐ, ՎԱՀԱՆԱԿՆԵՐ ) / ԱՐԵՎԱՅԻՆ ՀԱՄԱԿԱՐԳԵՐԻ ՕԳՈՒՏԸ ԵՎ ՎՆԱՍԸ
-
ՍԵԿՑԻՈՆ ( ՀԱՏՎԱԾԱՎՈՐ ) ԴԱՐՊԱՍ VS ՌՈԼԵՏԱՅԻՆ ( ԳԼԱՆԱՓԱԹԵԹԱՎՈՐ ) ԴԱՐՊԱՍ / Ո՞Ր ԴԱՐՊԱՍՆԵՐՆ ԵՆ ԼԱՎ
ԴԱՐՁԻՐ ՀԵՂԻՆԱԿ, ԴԱՐՁԻՐ ՀԱՆՐԱՀԱՅՏ
Երբևէ մտածե՞լ եք դառնալ հոդվածագիր: Եթե նույնիսկ մինչ այս պահը երբեք չեք հրապարակել ձեր մտքերը, մտածեք այդ մասին: Հոդվածագիր հեղինակ դառնալը կարող է խթանել ձեր կարիերան կամ բիզնեսը շատ առումներով: