ՆԱԽԱԲԱՆ
Աշխատանքային պայմանագիրը համաձայնագիր է գործատուի և աշխատողի միջև, որը սահմանում է նրանց հարաբերությունների պայմանները: Որքան մանրամասն լինեն աշխատանքային պայմանագրի պարտադիր և լրացուցիչ պայմանները, այնքան կողմերի միջև ավելի քիչ կոնֆլիկտներ կառաջանան ապագայում։ Սույն հոդվածում եկեք քննարկենք, թե ինչ է իրենից ներկայացնում աշխատանքային պայմանագիրը և ինչ տեսակի պայմանագրեր առհասարակ գոյություն ունեն։
Ի՞ՆՉ Է ԱՇԽԱՏԱՆՔԱՅԻՆ ՊԱՅՄԱՆԱԳԻՐԸ
Երբ ընկերությունը վարձում է աշխատողի, երկու կողմերն էլ պայմանագիր են կնքում, համաձայն որի աշխատակիցը կկատարի որոշակի պարտականություններ, կհետևի ընկերության քաղաքականությանը և դրա համար փոխհատուցում կստանա: Աշխատանքային պայմանագրով սահմանվում են կողմերի իրավունքներն ու պարտականությունները: Օրինակ, այնտեղ նշվում է, որ աշխատողը պետք է լավ կատարի իր աշխատանքը և հավատարիմ լինի ընկերությանը, իսկ ընկերությունը պետք նրան աշխատավարձ վճարի, տրամադրի նպաստներ, կենսաթոշակային պլան և այլն։ Աշխատանքային պայմանագրում մասնավորապես պետք է սահմանվի․
- աշխատակցի պաշտոնը, որի համար աշխատողը աշխատանքի է ընդունվել,
- ռեժիմը և աշխատանքային պայմանները,
- աշխատավարձի բաղադրիչները ( աշխատավարձ, բոնուսներ, տարածաշրջանային գործակիցներ ),
- կողմերի իրավունքներն ու պարտականությունները և այլն։
Երկու կողմերը աշխատանքային պայմանագիր կնքելուց հետո դառնում են գործատու և աշխատակից: Այժմ նրանց հարաբերությունները կարգավորվում են աշխատանքային օրենսդրությամբ։ Աշխատանքային պայմանագրով նախատեսված է մինչև երեք ամիս փորձաշրջան։ Այս ժամանակահատվածում կողմերից յուրաքանչյուրը կարող է խզել պայմանագիրը, եթե մյուս կողմը չկատարի իր աշխատանքային պարտականությունները: Բայց գործատուն դրա համար պետք է հիմնավոր պատճառներ ունենա։ Օրինակ, եթե մարդուն առաջադրանք եք տալիս և հստակ նշում եք, թե ինչ մակարդակի արդյունավետություն եք ակնկալում, կարող եք աշխատանքից հեռացնել նրան, եթե նա չի արդարացնում ձեր սպասելիքները:
ՈՐՈ՞ՆՔ ԵՆ ԱՇԽԱՏԱՆՔԱՅԻՆ ՊԱՅՄԱՆԱԳՐԻ ՏԵՍԱԿՆԵՐԸ
ԱՇԽԱՏԱՆՔԱՅԻՆ ՊԱՅՄԱՆԱԳՐԻ ԺԱՄԿԵՏԸ
Աշխատանքային պայմանագիրը կարող է կնքվել․
- անորոշ ժամկետով։ Այսպիսի աշխատանքային պայմանագրում դրա գործողության ժամկետը նշված չի լինում,
- որոշակի ժամկետով։ Այս դեպքում աշխատանքային պայմանագրում դրա գործողության ժամկետը նշվում է:
Ե՞ՐԲ Է ՀՆԱՐԱՎՈՐ ԿՆՔԵԼ ՈՐՈՇԱԿԻ ԺԱՄԿԵՏՈՎ ԱՇԽԱՏԱՆՔԱՅԻՆ ՊԱՅՄԱՆԱԳԻՐ
- Որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները, եթե սույն oրենսգրքով կամ oրենքներով այլ բան նախատեսված չէ:
- Որոշակի ժամկետով կնքված աշխատանքային պայմանագիրը կարող է կնքվել որոշակի ժամանակահատվածով կամ oրացուցային ժամկետի սահմանումով կամ աշխատանքային պայմանագրով նախատեսված աշխատանքների ավարտման սահմանումով:
- Որոշակի ժամկետով պայմանագրեր կնքվում են նաև`
- ընտրովի պաշտոններում աշխատողների հետ` ընտրված ժամանակահատվածով.
- համատեղությամբ աշխատանք կատարողների հետ.
- սեզոնային աշխատանքներ կատարողների հետ.
- ժամանակավոր (մինչև երկու ամիս ժամկետով) աշխատանքներ կատարողների հետ.
- ժամանակավորապես բացակայող աշխատողին փոխարինող աշխատողի հետ.
- օտարերկրացիների հետ` աշխատանքի թույլտվության կամ կացության իրավունքի վավերականության ժամկետով:
ՈՒՇԱԴՐՈՒԹՅՈՒՆ։ Աշխատանքային պայմանագրի գործողության ժամկետը կարող է սահմանվել մինչև որոշակի օրացուցային տարին, ամիսը, ամսաթիվը կամ մինչև որոշակի իրադարձություն տեղի ունենալը, դրա փոփոխվելը կամ ավարտվելը:
Աշխատողը կամ գործատուն իրավունք ունեն լուծելու ժամանակավոր աշխատանքային պայմանագիրը նախքան դրա գործողության ժամկետի լրանալը` այդ մասին առնվազն երեք օր առաջ գրավոր ձևով ծանուցելով միմյանց: Ժամանակավոր աշխատանքային պայմանագիրը լուծվելու դեպքում աշխատողին արձակման նպաստ չի վճարվում:
ԳՈՎԱԶԴ ԷՋՈՒՄ
TOP 10
ԻՐԱՎԱԲԱՆԱԿԱՆ ԸՆԿԵՐՈՒԹՅՈՒՆՆԵՐ
Փոխեք գովազդը ձեր գովազդով կամ հղումը ուղղորդեք դեպի ձեր կայք և վաճառեք ձեր ապրանքները BizRatings ( BR ) կայքից: Իմանալ մանրամասները …
ԱՇԽԱՏԱՆՔԱՅԻՆ ՊԱՅՄԱՆԱԳԻՐ ՏՆԱՇԽԱՏՆԵՐԻ ՀԵՏ
- Տնաշխատ են համարվում այն անձինք, որոնք աշխատանքային պայմանագրով աշխատանքները կատարում են տանը` գործատուի տրամադրած կամ իր և իր հաշվին ձեռք բերած նյութերով, գործիքներով ու սարքավորումներով,
- տնաշխատի կողմից սեփական գործիքներով ու սարքավորումներով աշխատանք կատարվելու դեպքում գործատուն վճարում է հատուցում գործիքների ու սարքավորումների մաշվածության համար` աշխատանքային պայմանագրով սահմանված կարգով և դեպքերում,
- տնաշխատին հումքով, նյութերով և կիսաֆաբրիկատներով ապահովելու կարգը և ժամկետները, տնաշխատին պատկանող նյութերի դիմաց վճարման կարգը, պատրաստի արտադրանքի տեղափոխման, ինչպես նաև աշխատավարձի վճարման կարգն ու ժամկետները սահմանվում են աշխատանքային պայմանագրով:
ՀԱՄԱՏԵՂՈՒԹՅԱՄԲ ԱՇԽԱՏԱՆՔ
- Համատեղությամբ աշխատանքը հիմնական աշխատանքային ժամանակից դուրս, միևնույն գործատուի կամ այլ գործատուի մոտ աշխատանքային պայմանագրի հիման վրա աշխատողի կատարած աշխատանքն է,
- աշխատանքային պայմանագրում նշվում է, որ աշխատանքը կատարվում է համատեղությամբ,
- տարբեր գործատուների մոտ համատեղությամբ աշխատողների ամենամյա վճարովի արձակուրդը տրամադրվում է հիմնական աշխատավայրում տրամադրվող ամենամյա արձակուրդի հետ միաժամանակ,
- համատեղությամբ աշխատողի աշխատանքային պայմանագիրը լուծվելու դեպքում համատեղությամբ աշխատողին արձակման նպաստ չի վճարվում:
ՍԵԶՈՆԱՅԻՆ ԱՇԽԱՏԱՆՔԱՅԻՆ ՊԱՅՄԱՆԱԳԻՐ
- Սեզոնային աշխատանքային պայմանագիրը կնքվում է սեզոնային աշխատանք կատարելու համար: Սեզոնային է համարվում այն աշխատանքը, որը բնակլիմայական պայմանների պատճառով կատարվում է ոչ թե ամբողջ տարին, այլ ութ ամիսը չգերազանցող որոշակի ժամանակահատվածում (սեզոնում), և որը սահմանված է սեզոնային աշխատանքների ցանկով,
- սեզոնային աշխատանքների ցանկը սահմանում է Հայաստանի Հանրապետության կառավարությունը:
- աշխատողը կամ գործատուն իրավունք ունեն լուծելու սեզոնային աշխատանքային պայմանագիրը նախքան դրա գործողության ժամկետի լրանալը` այդ մասին առնվազն երեք օր առաջ գրավոր ձևով ծանուցելով միմյանց:
Ի՞ՆՉ ՊԱՅՄԱՆԱԳԻՐ ԱՌԱՋԱՐԿԵԼ ԱՊԱԳԱ ԱՇԽԱՏԱԿՑԻՆ
Նախքան աշխատակցին որոշակի պայմաններ առաջարկելը, մտածեք՝ ձեզ աշխատանքային պայմանագիր կամ GPC է պետք: GPC պայմանագիրը ( քաղաքացիական իրավունք) պայմանագիր է կապալառուի և պատվիրատուի միջև, որով նրանք աշխատանքային հարաբերություններ չեն կնքում: Սույն պայմանագրով սահմանվում է աշխատանքը և դրա արդյունքը, որի դիմաց կատարողը ստանում է վարձատրություն։
ԱՇԽԱՏԱՆՔԱՅԻՆ ԹԵ՞ ՔԱՂԱՔԱՑԻԱՒՐԱՎԱԿԱՆ ՊԱՅՄԱՆԱԳԻՐ
Աշխատանքի համար, որը կատարվում է ձեր տարածքում՝ գրասենյակում կամ արտադրությունում, օրենքը պահանջում է աշխատանքային պայմանագրի կնքում: GPC-ն հարմար է առաջադրանքների համար, որոնք ունեն հստակ արդյունք: Բայց կան իրավիճակներ, երբ դուք կարող եք ընտրել այս համաձայնագրերից որևէ մեկը, և ապա սկզբունքը հետևյալն է՝ աշխատանքային պայմանագրի կամ քաղաքացիաիրավական պայմանագրի միջև ընտրելու համար ինքներդ ձեզ մի քանի հարց տվեք.
- ձեզ հետաքրքրու՞մ է, թե ինչպես, որտեղ և երբ է մարդը կատարելու աշխատանքը։ Եթե այո, ապա ընտրեք աշխատանքային պայմանագիր:
- ձեզ հետաքրքրո՞ւմ է միայն այս աշխատանքի արդյունքը, և կարևոր չէ, թե աշխատողն ինչպես կկատարի այս առաջադրանքը: Եթե այո, ապա ընտրեք GPC պայմանագիր:
ԱՄՓՈՓՈՒՄ
- Աշխատանքային պայմանագիրը իրավական համաձայնագիր է գործատուի և աշխատողի միջև, որը սահմանում է նրանց համապատասխան իրավունքներն ու պարտականությունները,
- աշխատանքային պայմանագիր կնքելու կարգը կարգավորվում է Աշխատանքային օրենսգրքով,
- աշխատանքային պայմանագրերը լինում են երկու տեսակի՝ ժամկետային և անժամկետ: Դրանցից յուրաքանչյուրն ունի պայմանագրի դադարեցման իր պայմանները,
- գործատուն և աշխատողը աշխատանքային հարաբերություններ ապահովելու երկու ճանապարհ ունեն՝ աշխատանքային և քաղաքացիաիրավական պայմանագիր: Նրանց միջև զգալի տարբերություններ կան։
ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝
Հաշվապահական Կազմակերպությունների Վարկանիշը
Բիզնես Խորհրդատուների Վարկանիշը
Էջի Ասույթը
Ապագան կախված է նրանից, թե ինչ ես անում այսօր
— Մահաթմա Գանդի
ԱՄԵՆԱՇԱՏ ԸՆԹԵՐՑՎԱԾ ՀՈԴՎԱԾՆԵՐ
- 10 ՖԻՆԱՆՍԱԿԱՆ ՕԳՏԱԿԱՐ ԽՈՐՀՈՒՐԴՆԵՐ ԱՌԱՋԱՏԱՐ ՖԻՆԱՆՍԻՍՏՆԵՐԻՑ / ՀԵՏԵՎԵՔ ՁԵՐ ՖԻՆԱՆՍՆԵՐԻՆ
- ԱՐԵՎԱՅԻՆ ՀԱՄԱԿԱՐԳԵՐ ( ԱՐԵՎԱՅԻՆ ՊԱՆԵԼՆԵՐ, ՎԱՀԱՆԱԿՆԵՐ ) / ԱՐԵՎԱՅԻՆ ՀԱՄԱԿԱՐԳԵՐԻ ՕԳՈՒՏԸ ԵՎ ՎՆԱՍԸ
- ՖԻՆԱՆՍԱԿԱՆ ՎԵՐԼՈՒԾԱԲԱՆ ( ՖԻՆԱՆՍԻՍՏ ) / Ո՞Վ Է ՖԻՆԱՆՍԱԿԱՆ ՎԵՐԼՈՒԾԱԲԱՆԸ ԵՎ ԻՆՉՈ՞Վ Է ԶԲԱՂՎՈՒՄ
- ՀԱՇՎԱՊԱՀԱԿԱՆ ԾԱՌԱՅՈՒԹՅՈՒՆՆԵՐ ԱՐՏԱԴՐՈՒԹՅՈՒՆՈՒՄ / ԱՐՏԱԴՐՈՒԹՅԱՆ ՀԱՇՎԱՊԱՀԱԿԱՆ ՀԱՇԱՎԱՌՈՒՄ
- ՀԱՇՎԱՊԱՀԱԿԱՆ ԾԱՌԱՅՈՒԹՅՈՒՆՆԵՐ ՇԻՆԱՐԱՐՈՒԹՅԱՆ ՈԼՈՐՏՈՒՄ / ՀԱՇՎԱՊԱՀԱԿԱՆ ՀԱՇՎԱՌՈՒՄԸ ՇԻՆԱՐԱՐՈՒԹՅՈՒՆՈՒՄ
- ԲԻԶՆԵՍԻ ԳՆԱՀԱՏՈՒՄ / ԲԻԶՆԵՍԻ ԳՆԱՀԱՏՄԱՆ 5 ՄԵԹՈԴՆԵՐ / Ի՞ՆՉ ԱՐԺԵ ՁԵՐ ԲԻԶՆԵՍԸ ( ԸՆԿԵՐՈՒԹՅՈՒՆԸ )