Շաքարային դիաբետ ( շաքարախտ )-ը քրոնիկական հիվանդություն է, որն առաջանում է նյութափոխանակության խանգարումներով` ինսուլինի սինթեզի անբավարարության և արյան մեջ շաքարի ավելացման պատճառով: Հիվանդությունը կարող է հանգեցնել մի շարք լուրջ պաթոլոգիաների զարգացման:

ՇԱՔԱՐԱՅԻՆ ԴԻԱԲԵՏ ( ՇԱՔԱՐԱԽՏ ) -Ի ՏԵՍԱԿՆԵՐՆ ԵՆ

Գոյություն ունեն շաքարախտի երկու տեսակ:

• I տիպն արտահայտվում է ինսուլինի անբավարար արտադրությամբ: I տիպի շաքարախտը ավելի հաճախ ախտորոշվում է երեսուն տարեկան չլրացած հիվանդների մոտ: Շատ դեպքերում այն ​​զարգանում է վիրուսային հիվանդության կամ տոքսինների ազդեցության պատճառով, ենթաստամոքսային գեղձի գործունեության վատթարացման հետևանքով,
• II տեսակը՝ մարմինը պարզապես չի ընդունում ինսուլինը:

Շաքարախտով հիվանդների մեծ մասը հիվանդանում է II տիպի հիվանդությամբ: Տարիքով մարդիկ ավելի հակված են II տիպի հիվանդության , քանի որ տարիների ընթացքում շաքարի հանդուրժողականությունը նվազում է: Գոյություն ունեն մի շարք գործոններ, որոնք մեծացնում են II տիպի շաքարախտի զարգացման ռիսկը.

• ժառանգականություն,
• ավելորդ քաշ,
• ոչ պատշաճ դիետա,
• սրտի և արյան անոթների հիվանդություններ,
• քրոնիկ սթրես,
• որոշակի դեղամիջոցների ընդունում,
• մակերիկամների քրոնիկական անբավարարություն:

ՈՐՈ՞ՆՔ ԵՆ ՇԱՔԱՐԱՅԻՆ ԴԻԱԲԵՏԻ ԱԽՏԱՆԻՇՆԵՐԸ

Շաքարախտը արտահայտվում է հետևյալ ախտանիշներով.

• անընդհատ ծարավի զգացում, որը չի դադարում հեղուկների օգտագործմամբ,
• հաճախակի միզարձակություն,
• ախորժակի ավելացում,
• մաշկի չորացում,
• քորի առաջացում,
• աշխատունակության անկում,
• անքնություն,
• կծկումներ սրունքներում,
• տեսողության նվազում:

Նշենք նաև, որ հնարավոր է, որ հիվանդությունը երկար ժամանակ ընթանա՝ բացարձակապես առանց ախտանիշների: Դա հնարավոր է պարզել միայն թեստեր հանձնելուց հետո:

ՇԱՔԱՐԱՅԻՆ ԴԻԱԲԵՏԻ ԲՈՒԺՈՒՄԸ

Թերապիան ուղղված է.

• գլյուկոզայի մակարդակի իջեցմանը,
• նյութափոխանակության գործընթացների նորմալացմանը և
• բարդությունների կանխարգելմանը:

Ձեր բժշկի խորհուրդներին և նշանակումներին պետք է հետևեք ձեր ողջ կյանքի ընթացքում: Սա հիմնականում վերաբերում է հատուկ դիետայի պահպանմանը: Դիետայի բաղադրությունը կախված է հիվանդության ձևից:

Բացի այդ, շաքարախտի բուժման ժամանակ օգտագործվում է դեղորայք: Անհրաժեշտ դեղերի ցանկը որոշվում է բժշկի կողմից` համապատասխան.

• շաքարախտի ձևին,
• բարդությունների առկայությանը և
• հիվանդի առողջության ընդհանուր վիճակին:

I տիպի շաքարախտում նշանակվում է ինսուլինաթերապիա: Հիվանդը պետք է սովորի ինքնազգացողության ինքնակառավարման, իր հարազատներին սովորեցնի, կոմայի զարգացման դեպքում, առաջին օգնության հմտությունները: Բացի այդ, շատ դեպքերում անհրաժեշտ է ավելորդ քաշի և կենսակերպի փոփոխությունների խիստ վերահսկողություն:

ԿԱՅՔԻ ԱՅՑԵԼՈՒՆԵՐԻՆ ՀԵՏԱՔՐՔՐՈՒՄ Է ՆԱԵՎ՝

Ատամնաբուժարանների Վարկանիշը

+ Դ Ի Տ Ե Լ

Կլինիկաների Վարկանիշը

+ Դ Ի Տ Ե Լ

ԱՄԵՆԱՇԱՏ ԸՆԹԵՐՑՎԱԾ ՀՈԴՎԱԾՆԵՐ

• Share