Բովանդակություն

ՆԱԽԱԲԱՆ

Ուսումնասիրությունները ցույց են տալիս, որ սպառողների 80-85 %-ը վստահում են առցանց կարծիքներին և մեկնաբանություններին և նախքան գնումներ կատարելը հետևում են նախորդ գնորդների արտահայտած կարծիքներին: Առցանց կայքերում / հարթակներում սպառողների արտահայտած կարծիքը միաժամանակ կատարում է մի քանի ֆունկցիա, և դրանք կարևոր են ստորև նշված առումներով՝

հավաքագրված կարծիքների շնորհիվ ժամանակի ընթացքում ձևավորվում է կազմակերպության իրական վարկանիշը ( rating -ը ), որը հրապարակվում է սույն կայքում,

հայտնելով իրենց կարծիքը կամ մեկնաբանությունը այս կամ այն ապրանքանիշի կամ կազմակերպության մասին՝ սպառողները օգնում են մյուս սպառողներին նախապես տեղեկացված լինել կազմակերպության կողմից մատակարարված ապրանքների կամ ծառայությունների մասին,
սպառողները կարող են նաև գրված կարծիքների և գնահատակնների հիման վրա նախապես ճշգրիտ որոշումներ կայացնել ապագա գնումների վերաբերյալ և ընտրել բարձր վարկանիշ ունեցող կազմակերպությունները կամ ապրանքանիշերը,
սպառողների հայտնած կարծիքները և գնահատականները մշտապես գտնվում են կազմակերպությունների ուշադրության կենտրոնում և նրանք ավելի զգոն են վերաբերվոմ սպառողների կարծիքներին և հետևում են իրենց մատակարարած ապրանքների և ծառայությունների որակին,

սովորաբար կազմակերպությունները իրենց հեղինակությունը վերականգնելու և ավելի բարձրացնելու նպատակով արձագանքում և օգնում են այն սպառողներին, որոնք արտահայտում են բացասական կամ միջինից ցածր կարծիք կամ գնահատական,
կարծիքները հաղորդակցման միջոց են հանդիսանում սպառողի և կազմակերպության միջև և ստեղծում են թափանցիկ մի միջավայր, որտեղ յուրաքանչյուրը կարող է արտահայտել իր կարծքիը այս կամ այն կազմակերպության վերաբերյալ,
կարծիքները կարող են էապես փոխել կազմակերպության վերաբերմունքը և սպառողների հանդեպ ունեցած քաղաքականությունը, նոր շունչ հաղորդել ապրանքանիշին,
սպառողների կարծիքը և գնահատականը ավելացնում է արդարության գործոնը: Հաճախ են կազմակերպությունները քողարկում իրենց ապրանքների կամ ծառայությունների բացասական կողմերը, որոնք ի հայտ են գալիս սպառողների արտահայտած մեկնաբանություններում և կարծիքներում,

յուրաքանչյոր կարծիք ունի իր ուրույն պատմությունը և փորձը, և այն արտահայտելով՝ սպառողը ավելի լսելի է դարձնում իր ձայնը, պահանջները և իրավունքները,
յուրաքանչյուր կարծիք՝ մի պատմություն է, հիշողություն, սրտի խոսք և արտահայտվելու միջոց: Արտահայտելով իրենց յուրօրինակ կարծիքը՝ սպառողները այն դարձնում են հանրության սեփականությունը, ինչից օգտվում են բոլոր քաղաքացիները:

ԵԶՐԱԿԱՑՈՒԹՅՈՒՆ

Սպառողների արտահայտած կարծիքը և մեկնաբանությունը էական նշանակություն ունի մյուսների որոշումների կայացման համար: Սպառողների կարծիքը ձևավորում է նաև կազմակերպությունների վարկանիշը, նրանց մեկնաբանությունը էապես կարող է ազդել կազմակերպության հեղինակության վրա, ընդհուպ մինչև տանել դեպի նրանց իրացման շրջանառության ավելացման կամ նվազման:

ԷՋԻ ԱՅՑԵԼՈՒՆԵՐԸ ԸՆԹԵՐՑՈՒՄ ԵՆ ՆԱԵՎ ԱՅՍ ՀՈԴՎԱԾՆԵՐԸ